Hertha kaupir bakvörð frá Brighton (Staðfest)
Mynd: EPA
Mynd: Getty Images
Mynd: EPA
Hertha Berlin er búið að festa kaup á pólska bakverðinum Michal Karbownik sem kemur úr röðum Brighton fyrir um 2,5 milljónir evra.
Karbownik er 22 ára gamall og kom aðeins við sögu í tveimur leikjum með Brighton. Enska félagið lánaði hann út til Olympiakos fyrir tveimur árum og Fortuna Düsseldorf í fyrra, þar sem hann vakti athygli Berlínarfélagsins með frábærri frammistöðu í þýsku B-deildinni.
Karbownik er réttfættur en leikur sem vinstri bakvörður að upplagi. Hann er einnig öflugur sem hægri bakvörður og sem varnarsinnaður miðjumaður.
Hann á fjóra A-landsleiki að baki fyrir Pólland eftir að hafa verið mikilvægur hlekkur upp yngri landsliðin, með tæpa 40 leiki að baki.
Karbownik mun leika með Hertha í B-deild þýska boltans eftir að félagið féll úr efstu deild í fyrra. Hann endaði í fjórða sæti með Dusseldorf á síðustu leiktíð og býr því yfir góðri reynslu úr deildinni.
Karbo is already in action! ???????? Glad you're here! ????#HaHoHe pic.twitter.com/R3Z1viiug8
— Hertha BSC (EN) (@HerthaBSC_EN) August 8, 2023
Mynd: Getty Images
