Lengjudeild kvenna: Mögulegur úrslitaleikur í lokaumferðinni
Mynd: Fótbolti.net - J.L.
Mynd: Fótbolti.net - J.L.
FH 0-0 Fylkir
FH fékk Fylki í heimsókn í leik dagsins í Lengjudeild kvenna. Með sigri hefði FH tryggt sér sigurinn í deildinni en liðið er þegar komið með sæti í Bestu deildinni á næstu leiktíð.
Bæði lið fengu fengu færi til að skora í fyrri hálfleik en allt kom fyrir ekki og það var markalaust þegar liðin gengu til búningsherbergja í hálfleik.
Þetta var mjög opinn og skemmtilegur leikur en þegar rúmur stundarfjórðungur var til leiksloka voru FHingar í hörkufæri en Tinna Brá Magnúsdóttir markvörður Fylkis náði að bjarga.
Stuttu síðar áttu Fylkiskonur skot í slá en þær vildu meina að boltinn hefði farið yfir línuna en markið ekki dæmt.
