Strákarnir í U21 mæta Grikklandi í umspilinu

Það er byrjað að draga lið sem byrja á heimavelli... Danmörk, Ísland, Finnland og Tyrkland. Við getum semsagt ekki mætt Dönum, Finnum eða Tyrkjum.

Danmörk kemur fyrst upp úr pottinum.

Umræddur Alleca er yfir landsliðsmótum karla hjá UEFA. Takk fyrir það.

Marcello Alleca tekur til máls. Hef ekki hugmynd um hver það er en hann er í flottum UEFA jakkafötum og er greinilega ekki vanur því að standa fyrir framan sjónvarpsmyndavél. Lítil útgeislun.

Þetta var geggjaður gluggi hjá U21 landsliðinu. 1-1 jafntefli gegn feikilega öflugum Frökkum, 5-1 upprúllun á Sviss og svo 2-0 útisigur á Þórsvelli í Fjöreyjum.

Drátturinn í Nyon í Sviss í dag er opinn, engin styrkleikaröðun, og Ísland getur því mætt hvaða liði sem er af eftirfarandi liðum:

Tékkland, Danmörk, Finnland, Grikkland, Holland, Írland og Tyrkland.

Umspilið verður spilað í næsta mánuði, spilað verður heima og að heiman. Alls 16 lið taka þátt í lokamótinu sem fram fer næsta sumar í Albaníu og Serbíu.

Því miður tel ég ansi ólíklegt að Giorgio Marchetti, kóngurinn í að draga, muni vera að störfum í þessum drætti. Það var UEFA fundur og fjör í Berlín í gær og hann var þar væntanlega að væna og dæna. Slökunardagur í dag hjá honum.

Ef ég ætti að velja þá myndi ég taka Írland.