Hermann Hreiðarsson.
Hermann Hreiðarsson hefur verið kynntur sem nýr þjálfari HK í Lengjudeild karla. Hann skrifaði undir þriggja ára samning.
„Velkominn í hlýjuna“ segja HK-ingar í tilkynningu sinni en Hermann lét af störfum sem þjálfrari ÍBV eftir tímabilið þar sem hann og fjölskylda hans fluttu á höfuðborgarsvæðið.
„Það er okkur mikið ánægjuefni að fá Hemma til starfa og bindum við miklar vonir við komu hans hingað í HK. Hemmi hefur mikla reynslu úr heimi fótboltans og verður spennandi að sjá hann stýra meistaraflokki karla næstu þrjú árin ásamt því að vinna með þeim fjölmörgu ungu og efnilegu leikmönnum sem eru og hafa verið að banka á dyr meistaraflokksins sl. misserin," segir Hjörtur Þór Steindórsson, formaður fótboltadeildar HK, í tilkynningunni.
„Velkominn í hlýjuna“ segja HK-ingar í tilkynningu sinni en Hermann lét af störfum sem þjálfrari ÍBV eftir tímabilið þar sem hann og fjölskylda hans fluttu á höfuðborgarsvæðið.
„Það er okkur mikið ánægjuefni að fá Hemma til starfa og bindum við miklar vonir við komu hans hingað í HK. Hemmi hefur mikla reynslu úr heimi fótboltans og verður spennandi að sjá hann stýra meistaraflokki karla næstu þrjú árin ásamt því að vinna með þeim fjölmörgu ungu og efnilegu leikmönnum sem eru og hafa verið að banka á dyr meistaraflokksins sl. misserin," segir Hjörtur Þór Steindórsson, formaður fótboltadeildar HK, í tilkynningunni.
Hermann lék lengi sem atvinnumaður á Englandi og spilaði yfir 300 leiki í ensku úrvalsdeildinni ásamt því að eiga 89 A-landsleiki á bakinu.
Sem þjálfari hefur Hemmi m.a. þjálfað á Englandi, Indlandi ásamt Fylki, Þrótti Vogum og nú síðast uppeldisfélag sitt, ÍBV, en þá gerði hann að Lengjudeildarmeisturum í ár.
Samkvæmt heimildum Fótbolta.net ræddi Hermann einnig við Gróttu en gaf félaginu afsvar. HK hefur verið í þjálfaraleit síðan Ómar Ingi Guðmundsson ákvað að hætt og hefur rætt við nokkra aðila, þar á meðal Arnar Grétarsson.
HK féll úr Bestu deildinni og Hermann stefnir að því að stýra liði upp úr Lengjudeildinni tvö ár í röð.
Hermann Hreiðarsson nýráðinn þjálfari HK og Hjörtur Þór Steindórsson formaður knattspyrnudeildar
Athugasemdir
