Sky: Everton vill ráða Pereira fyrir leikinn gegn United

Everton er sagt hafa verið í viðræðum við Pereira í heila viku og er félagið tilbúið að semja við Pereira til þriggja ára.

Marco Silva var látinn taka poka sinn á fimmtudagskvöldið og stýrði Duncan Ferguson liðinu til sigurs á Chelsea um helgina.

Shanghai SIPG í Kína er félagið sem Pereira starfar hjá í dag. Félagið er sagt vilja halda Pereira og er tilbúið að borga honum 25 milljónir punda á ári til að halda honum.

Hvorki Everton né Arsenal, sem einnig er sagt vilja Pereira, eru tilbúin að borga eitthvað í líkingu við það sem Shanghai er tilbúið að gera. Samkvæmt heimildum Sky Sports er Pereira með stuðning frá fjölskyldu sinni að vera eitt ár enn í Kína.