Ítalska félagið Fiorentina tilkynnti í dag ítalska framherjann Patrick Cutrone en hann kemur á tveggja ára láni frá Wolves.
Cutrone, sem er 22 ára gamall, kom til Wolves frá AC Milan fyrir um það bil 18 milljónir evra síðasta sumar en skoraði aðeins 3 mörk í 24 leikjum með Wolves.
Wolves hefur verið í viðræðum við Fiorentina síðustu daga og gengu skiptin í gegn í dag.
Cutrone mun eyða næstu tveimur árum á láni hjá Fiorentina en eftir að láninu lýkur mun Fiorentina kaupa hann á 16 milljónir evra.
Ítalski framherjinn á einn landsleik að baki fyrir Ítalíu.
Athugasemdir