Hermann Hreiðarsson, þjálfari Vals.
Valsmenn töpuðu 5-1 gegn Þór.
„Bara heilan helling," sagði Hermann Hreiðarsson, þjálfari Vals, spurður að því hvað hann tæki úr 5-1 tapinu gegn Þór í Lengjubikarnum í kvöld.
Valur tefldi fram mjög ungu liði í leiknum í kvöld sem var hreinn úrslitaleikur um að komast í undanúrslit Lengjubikarsins.
Valur tefldi fram mjög ungu liði í leiknum í kvöld sem var hreinn úrslitaleikur um að komast í undanúrslit Lengjubikarsins.
Valur er ekki fyrsta liðið sem hvílir lykilmenn í leik í Boganum. Hemmi sagði þó þá staðreynd að leikurinn væri í Boganum ekki hafa haft áhrif á liðsvalið.
„Nei, þetta er bara geggjaður völlur. Þetta var skipulagið hjá okkur, hvernig við vildum haga okkur síðustu vikurnar (fyrir mót). Það hefur verið svolítið mikið um að menn séu ekki klárir. Það styttist í mót og við ætlum að þétta raðirnar."
„Í fyrri hálfleik sýndu margir að það býr hellingur í þeim," sagði Hemmi.
Hann sagði að ef leikurinn í kvöld hefði verið eftir tíu daga, þá hefði liðsvalið verið öðruvísi. Hann telur þetta ekki vanvirðingu við Lengjubikarinn.
„Þetta er það ekki, ekki nálægt því að vera þannig. Menn geta komið á æfingasvæðið og séð hvernig staðan er, hvað menn hafa æft mikið. Menn mega hugsa hvað sem þeir vilja en við vitum alveg hvernig staðan er og hvað er best fyrir liðið. Við erum að gera okkur klára fyrir Íslandsmót og þetta er hluti af því," sagði Hemmi og talaði um það í viðtalinu að margir hefðu æft lítið og það væri best fyrir þá að sjá andlitið á hvor öðrum á æfingasvæðinu.
Allt viðtalið er í spilaranum hér að ofan.
Athugasemdir
