Aston Villa hefur fest kaup á kantmanninum Anwar El Ghazi og mun hann spila með liðinu í ensku úrvalsdeildinni á næsta tímabili.
El Ghazi skrifaði undir fjögurra ára samning við Villa. Kaupverðið er ekki gefið upp.
El Ghazi var í láni hjá Aston Villa frá franska félaginu Lille á síðustu leiktíð og hjálpaði hann liðinu að komast aftur upp í deild þeirra bestu á Englandi.
Hann skoraði sex mörk fyrir Villa á tímabilinu, þar á meðal í 2-1 sigrinum í Championship umspilinu gegn Derby.
Þessi fyrrum leikmaður Ajax er annar leikmaðurinn sem Villa kaupir í sumar eftri að hafa fengið spænska sóknarmanninn Jota frá Birmingham City.
„Hann er frábær viðbót við hópinn fyrir næsta tímabil," sagði Dean Smith, stjóri Aston Villa, um hinn 24 ára gamla El Ghazi.
Birkir Bjarnason er á mála hjá Aston Villa en hann spilaði lítið á nýliðnu tímabili.
He’s back! 👊
— Aston Villa (@AVFCOfficial) June 10, 2019
We’re delighted to confirm @AElGhazi7 has signed on a permanent deal.https://t.co/Ul4YFczCBc#AVFC pic.twitter.com/VCUI5AfZcY
Athugasemdir
