Kristján Guðmundsson
„Þetta var kaflaskiptur leikur í fyrri hálfleik og bæði lið hefðu getað skorað. Í seinni hálfleik tókum við alveg yfir og stjórnuðum leiknum og áttum sigur skilið.” Segir Kristján Guðmundsson þjálfari Stjörnunnar í Bestu deild Kvenna eftir 2-2 jafntefli gegn Breiðablik.
Lestu um leikinn: Stjarnan 2 - 2 Breiðablik
Stjarnan var betri aðilinn í leiknum en voru þó undir og náðu inn jöfnunarmarki undir lokinn.
„Tilfinningin er skrýtin. Við fengum eitt stig og gerðum jafntefli en áttum 3 stig og sigur skilið en heppnin þarf að vera með þér. Í seinni háfleik tókum við yfir og spiluðum flottan fótbolta bæði í vörn og sókn. Frammistaðan var flott pg við horfum í það. Ef við horfum í stigin þá þurftum við sigur til að eiga góða séns á topp 2. Núna erum við að elta og það er erfitt. En við höldum áfram að pressa.”
Leikjaálagið er mikið og framundan er bikarleikur gegn Val á heimavelli í undanúrslitum.
„Við erum með mjög góðan hóp og það sást á þeim sem komu inná í kvöld og það skiptir máli. Nú söfnum við kröftum næstu tvo daga”
Viðtalið er í heild sinni hér að ofan.
