Real Madrid hafði betur gegn Eintracht Frankfurt er liðin mættust í úrslitaleiknum um evrópska Ofurbikarinn fyrr í kvöld.
Þetta var fyrsti keppnisleikur Real á tímabilinu og ekki var að sjá að leikmenn Frankfurt væru þegar búnir að spila tvo keppnisleiki.
Bæði lið fengu færi á fyrsta hálftímanum en svo tók Real völdin og stóð uppi sem sigurvegari, 2-0.
Eder Militao átti flottan leik í hjarta varnarinnar og vakti atvik úr leiknum mikla athygli. Þar datt Militao í grasið eftir að hafa stöðvað fyrirgjöf og hreinsað boltann út á kant en var ótrúlega snöggur að standa aftur upp til að setja pressu á andstæðinginn.
Miðvörðurinn spyrnti sér upp með tilþrifum og tapaði ekki mikið meira en einni sekúndu á því að detta.
Athugasemdir
