Al-Hilal vann Forest í baráttunni um Ibanez (Staðfest)
Mynd: EPA
Mynd: Getty Images
Mynd: EPA
Sádí-arabíska félagið Al-Hilal hafði betur í baráttunni við Nottingham Forest um brasilíska miðvörðinn Roger Ibanez sem kemur úr röðum Roma.
Ibanez er 24 ára gamall og hefur verið mikilvægur hlekkur í varnarlínu Rómverja síðustu ár. Nottingham Forest reyndi að kaupa hann í sumar en var ekki reiðubúið til að leggja fram jafn mikinn pening og Al-Hilal.
Al-Hilal borgar í heildina um 31 milljón evra fyrir Ibanez, og heldur Roma 20% endursölurétti.
Roma er búið að krækja í miðvörðinn Evan N'Dicka á frjálsri sölu frá Eintracht Frankfurt í sumar og hefur hann hrifið þjálfarateymið á undirbúningstímabilinu. Því þurfti félagið að losa sig við einn miðvörð og hentaði vel að selja Ibanez, enda nokkuð verðmætur leikmaður.
José Mourinho er spenntur fyrir því að nota peninginn sem kemur inn fyrir Ibanez til að styrkja leikmannahópinn sinn.
???? Roger Ibanez ceduto a titolo definitivo al'Al-Ahli.
— AS Roma (@OfficialASRoma) August 10, 2023
In bocca al lupo, Roger! ????#ASRoma pic.twitter.com/Bfw2ih4u9v
Mynd: Getty Images
