Leeds fær Joe Rodon frá Tottenham (Staðfest)
Mynd: EPA
Mynd: EPA
Leeds United er búið að tryggja sér velska miðvörðinn Joe Rodon á lánssamningi frá Tottenham sem gildir út tímabilið.
Rodon er 25 ára gamall og voru miklar vonir bundnar við hann þegar hann gekk í raðir Totttenham fyrir þremur árum síðan.
Honum tókst þó aldrei að festa sig í sessi hjá félaginu og var lánaður til Rennes í Frakklandi á síðustu leiktíð, þar sem honum tókst ekki að vinna sér inn byrjunarliðssæti.
Rodon á tvö ár eftir af samningi sínum við Tottenham og mun nú reyna fyrir sér í Championship deildinni, deild sem hann þekkir vel eftir dvöl sína hjá Swansea City áður en hann gekk til liðs við Tottenham.
Leeds er búið að missa nokkra varnarmenn frá sér í sumar og þarf að styrkja hópinn fyrir komandi átök. Félagið stefnir beint aftur upp í ensku úrvalsdeildina eftir svekkjandi fall á síðustu leiktíð.
???? "The passion the fans show is magnificent" Watch our exclusive interview with new signing Joe Rodon pic.twitter.com/eaK8oQP7Hh
— Leeds United (@LUFC) August 10, 2023
