Sokratis er 32 ára gamall og er aftarlega í goggunarröðinni hjá Arsenal en hann var ekki valinn í Evrópu- og úrvalsdeildarhóp liðsins fyrir tímabilið.

Það er mikill áhugi á gríska miðverðinum en Real Betis, Genoa og Getafe vilja fá hann.

Samkvæmt Goal.com er Real Betis að leiða kapphlaupið um hann en félagið þarf þó að selja leikmenn áður en það reynir við Sokratis.

Betis ætlar að losa sig við brasilíska varnarmanninn Sidnei í þessum glugga og þá gæti William Carvalho farið til Benfica.

Manuel Pellegrini, fyrrum stjóri Real Madrid og West Ham, er að þjálfa Betis.