Framherjaleit Newcastle virðist vera lokið en liðið hefur verið í leit af nýjum leikmanni í fremstu víglínu eftir að það kom í ljós að Callum Wilson verði frá næstu tvo mánuðina.
Samkvæmt heimildum Sky Sports er Chris Wood leikmaður Burnley mættur í læknisskoðun hjá Newcastle. Burnley vildi alls ekki missa leikmanninn en Newcastle virkjaði ákvæði í samningi leikmannsins.
Kaupverðið er talið vera 20 milljónir punda.
Þessi þrítugi Nýsjálendingur hefur skorað þrjú mörk fyrir Burnley á þessari leiktíð sem er sæti ofar en Newcastle á markatölu. Liðin eru í 18. og 19. sæti.
Annar framherji gæti verið á leið til Newcastle í janúar en Hugo Ekitke leikmaður Reims er sagður vera í viðræðum við félagið.
Athugasemdir