Leeds United er að ganga frá kaupum á franska sóknarmanninum Georginio Rutter frá Hoffenheim.
Rutter er tvítugur og uppalinn í Rennes í Frakklandi en hélt til Þýskalands fyrir tveimur árum og samdi þá við Hoffenheim.
Á þessu tímabili hefur hann skorað tvö og lagt upp tvö í fimmtán leikjum með Hoffenheim.
Franski sóknarmaðurinn er þekktur fyrir sprengikraft sinn og gríðarlegan líkamlegan styrk en hann er nú á leið til Englands og mun ganga í raðir Leeds.
Rutter náði samkomulagi um kaup og kjör við Leeds á dögunum og nú er félagið að ganga frá samningum við Hoffenheim en kaupverðið er í kringum 25 milljónir punda.
Ef allt gengur upp mun hann gangast undir læknisskoðun á næstu dögum.
Athugasemdir