Í nóvember á síðasta ári lét Jose Mourinho, stjóri Roma, allt flakka þegar hann ræddi um einn af leikmönnum sínum.
Roma gerði 1-1 jafntefli gegn Sassuolo í ítölsku úrvalsdeildinni. Mourinho var mjög reiður út í einn leikmann sem hann nefndi ekki á nafn en sagði hann hafa svikið félagið með óíþróttamannslegri hegðun.
Hann var þar að ræða um hollenska varnarmanninn Rick Karsdorp sem var harðlega gagnrýndur fyrir slakan varnarleik í leiknum.
Mourinho vill losna við leikmanninn og samkvæmt Gianluca Di Marzio eru þrjú félög áhugasöm um hann.
Hann nefnir þar Monza á Ítalíu og svo tvö félög á Englandi; Bournemouth og Southampton.
Það eru allar líkur á því að leikmaðurinn muni yfirgefa Roma núna í janúar.
Athugasemdir