Real Sociedad verður án lykilmanns er liðið spilar við Manchester United í Evrópudeildinni á fimmtudag.
Mikel Oyarzabal er mikilvægasti leikmaður Sociedad en hann mun ekki taka þátt í 32-liða úrslitunum vegna meiðsla aftan í læri.
Greint er frá því í kvöld að Oyarzabal muni missa af báðum leikjum liðanna en hann verður frá í allt að sex vikur.
Oyarzabal er 23 ára gamall vængmaður og á að baki 228 leiki fyrir Sociedad og hefur í þeim skorað 61 mark.
Einnig á Oyarzabal að baki 11 landsleiki fyrir Spán og er talinn öflugasta vopn Sociedad í sókninni.
Oyarzabal hefur skorað 14 mörk í 28 leikjum á tímabilinu fyrir félag og þjóð.
Athugasemdir