Laufey Harpa aftur heim í Tindastól (Staðfest)

Laufey gekk til liðs við Breiðablik frá Tindastóli fyrir síðasta tímabil þar sem hún lék átta leiki í Bestu deildinni og skoraði eitt mark.

Hún á að baki 104 leiki með Tindastóli í deild og bikar, þann fyrsta árið 2015, þá aðeins 15 ára gömul.

Hún á að baki sex leiki fyrir yngri landslið Íslands.

Tindastóll verður nýliði í Bestu deildinni eftir að hafa hafnað í 2. sæti á eftir FH í Lengjudeildinni síðasta sumar þar sem liðið var aðeins eitt sumar eftir að hafa fallið árið á undan.