Brendan Rodgers sat fyrir svörum eftir 3-2 tap Leicester gegn West Ham United í ensku úrvalsdeildinni í dag og tjáði sig um fjarveru nokkurra leikmanna úr hópi Leicester.
Rodgers gat ekki nýtt Hamza Choudhury, James Maddison eða Ayoze Perez í leiknum vegna þess að hann sjálfur ákvað að setja þá í agabann fyrir brot á sóttvarnarreglum.
„Þetta er ákvörðun sem ég tók vegna því sem gerðist um síðustu helgi. Þetta eru allt góðir strákar en við erum með ákveðna staðla innan og utan vallar sem allir verða að fara eftir," sagði Rodgers.
„Strákarnir koma aftur í hópinn eftir helgina. Við erum búnir að eiga við þetta innan félagsins. Þetta er svekkjandi hegðun og slæm mistök sem verða ekki endurtekin."
Leicester á mikilvæga leiki framundan, meðal annars undanúrslitaleik í bikarnum.
Athugasemdir