Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   þri 11. maí 2021 09:00
Brynjar Ingi Erluson
Kabak líklega ekki með gegn Man Utd - Fabinho í vörninni
Özan Kabak verður líklega ekki með gegn Man Utd
Özan Kabak verður líklega ekki með gegn Man Utd
Mynd: Getty Images
Özan Kabak, varnarmaður Liverpool, verður líklega ekki búinn að ná sér fyrir leikinn gegn Manchester United í ensku úrvalsdeildinni á fimmtudag.

Kabak, sem er á láni frá Schalke, hefur spilað vel í vörn Liverpool frá því hann kom í janúar en hann missti af síðasta leik liðsins gegn Southampton.

Paul Joyce, blaðamaður á Times, segir að Kabak er í baráttu við tímann um að ná leiknum gegn United á fimmtudag og er ekki búist við því að hann verði í byrjunarliðinu.

Brasilíski miðjumaðurinn Fabinho hefur leyst af í miðverðinum á þessu tímabili og er útlit fyrir að hann geri það gegn United.

Ole Gunnar Solskjær, stjóri Man Utd, mun þá væntanlega gera margar breytingar á liði sínu en liðið spilar samtals fjóra leiki á átta dögum. United mætti Aston Villa á laugardag, spilar við Leicester í kvöld, Liverpool á fimmtudag og Fulham á sunnudag.
Athugasemdir
banner
banner
banner
banner
banner