Stærst er að Sólveig Jóhannesdóttir hefur verið lánuð til nýliða Aftureldingar. Sólveig er búin að koma við sögu í þremur leikjum hjá Val á tímabilinu en mun leika með Aftureldingu næstu vikurnar.

Sólveig kemur til með að hjálpa Aftureldingu mikið í ljósi þess hve miklu meiðslavandræðum liðið er búið að vera í undanfarið.

Þrjár lánaðar í KH
Þá hafa þrjár unglingalandsliðskonur verið lánaðar í venslafélagið KH sem leikur í 2. deild.

Um er að ræða Evu Stefánsdóttur, Jönu Sól Valdimarsdóttur og Karen Guðmundsdóttur. Eru það ungir og efnilegir leikmenn sem koma til með að hjálpa KH mikið.