Burnley fær Nathan Tella frá Southampton (Staðfest)
Mynd: EPA
Mynd: EPA
Burnley er búið að staðfesta komu Nathan Tella á lánssamningi frá Southampton.
Tella er 23 ára gamall kantmaður sem ólst upp hjá Arsenal en hefur verið hjá Southampton undanfarin fimm ár. Hann á 33 leiki að baki fyrir félagið í ensku úrvalsdeildinni.
Hann mun meðal annars berjast við Jóhann Berg Guðmundsson um byrjunarliðssæti hjá Burnley en Jóhann hefur misst af fyrstu tveimur deildarleikjum tímabilsins vegna meiðsla.
Tella getur spilað með Burnley strax annað kvöld þegar liðið heimsækir Watford í Championship deildinni. Burnley er komið með fjögur stig eftir tvær umferðir.
Kantmaðurinn á þrjú ár eftir af samningi sínum við Southampton.
It's nice to see you, to see you nice! pic.twitter.com/Wb0dhI3itH
— Burnley FC (@BurnleyOfficial) August 11, 2022
