Eyþór kallaður til baka til Breiðabliks (Staðfest)
Mynd: Jónína Guðbjörg Guðbjartsdóttir
Mynd: Jónína Guðbjörg Guðbjartsdóttir
Eyþór Aron Wöhler hefur verið kallaður til baka úr láni hjá HK og mun klára tímabilið með Breiðabliki. Þetta staðfesti Ólafur Kristjánsson, yfirmaður fótboltamála hjá Breiðabliki, í samtali við Vísi í dag.
Eyþór var lánaður til HK í vor og var ljóst að Breiðablik gæti kallað hann til baka úr láninu.
Eyþór var lánaður til HK í vor og var ljóst að Breiðablik gæti kallað hann til baka úr láninu.
Ólafur sagði við Vísi að hann vonaðist til þess að Eyþór gæti spilað með Breiðabliki gegn KA á sunnudag. Það hefur gengið eftir því Eyþór er kominn með leikheimild með Breiðabliki.
Eyþór sneri aftur á völlinn eftir meiðsli á miðvikudag og hjálpaði hann HK að sigra Keflavík. Eyþór lagði upp markið sem kom HK yfir í uppbótartíma og skoraði svo stuttu síðar markið sem innsiglaði 3-1 sigur HK.
Hann er 21 árs framherji sem kom til Breiðabliks frá ÍA eftir síðasta tímabil. Eyþór hefur skorað þrjú mörk og lagt upp eitt í 13 leikjum í sumar.
Eyþór sneri aftur á völlinn eftir meiðsli á miðvikudag og hjálpaði hann HK að sigra Keflavík. Eyþór lagði upp markið sem kom HK yfir í uppbótartíma og skoraði svo stuttu síðar markið sem innsiglaði 3-1 sigur HK.
Hann er 21 árs framherji sem kom til Breiðabliks frá ÍA eftir síðasta tímabil. Eyþór hefur skorað þrjú mörk og lagt upp eitt í 13 leikjum í sumar.
