Hjörvar hættur með KV (Staðfest)
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Hjörvar Ólafsson er hættur störfum hjá KV en liðið situr sem fastast á botni 2. deildar karla sem stendur, með 8 stig eftir 15 umferðir.
Hjörvar var einn af stofnendum KV fyrir 20 árum, þá 18 ára gamall, og stýrði félaginu sumarið 2015 til fjórða sætis í 2. deildinni en hætti svo til að taka við þjálfun yngriflokka hjá Stjörnunni.
Hann var ráðinn aftur fyrir sumarið en gengi liðsins hefur ekki verið viðunandi það sem af er tímabils.
Ef KV fellur í haust verður það annað fallið í röð, þar sem liðið lék í Lengjudeildinni í fyrrasumar en féll með 18 stig úr 22 umferðum.
„Stjórn KV og Hjörvar Ólafsson hafa tekið þá sameiginlegu ákvörðun að Hjörvar stigi til hliðar sem aðalþjálfari liðsins," segir meðal annars í yfirlýsingu frá KV.
Stjórn KV og Hjörvar Ólafsson hafa tekið þá sameiginlegu ákvörðun að Hjörvar stigi til hliðar sem aðalþjálfari liðsins.
— KV Fótbolti (@KVfotbolti) August 11, 2023
Hjörvar, sem er einn af stofnendum KV fyrir 20 árum, á allar bestu þakkir fyrir störf sín í sumar og við óskum okkar manni velfarnaðar í komandi verkefnum???? pic.twitter.com/DhJWZUkCpM
