„Við gáfum allt í þetta. Við vorum með tak á þeim í 0-0, en svo fá þeir þetta víti," sagði Kolbeinn Sigþórsson, framherji Íslands, eftir naumt tap gegn Heimsmeisturum Frakklands í undankeppni EM 2020 í kvöld.

Lestu um leikinn: Ísland 0 -  1 Frakkland

„Mér fannst vanta pínu herslumuninn hjá okkur að komast í alvöru skotfæri eða koma boltanum fyrir - vinna seinni boltann. Við vorum samt að gera vel og mér fannst við eiga góðan leik. Við spiluðum vel þrátt fyrir tap."

Kolbeinn spilaði 90 mínútur í kvöld. „Ég er auðvitað mjög svekktur með tapið, en ég gaf allt í þennan leik og það er frábært að ég hafi náð að halda mér heilum. Ég gæti hafa sett persónulegt met í hlaupametrum frá því á EM. Það er margt jákvætt sem er að gerast hjá mér."

Kolbeini fannst vítaspyrna Frakka fremur ódýr þrátt fyrir snertingu.

„Hann hefði getað sleppt þessu víti, en hann kom við hann. Hann (Griezmann) lét þetta meistaralega," sagði Kolbeinn.

Viðtalið er í heild sinni hér að ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit