Landsliðsfyrirliðinn Sara Björk Gunnarsdóttir gerði sér lítið fyrir og skoraði tvö mörk þegar Wolfsburg burstaði Köln í úrvalsdeild kvenna í Þýskalandi.
Sara kom Wolfsburg á bragðið á 11. mínútu og gerði hún annað mark sitt stuttu fyrir leikhlé. Það var þriðja mark þýska stórliðsins; staðan 3-0 í hálfleik.
Wolfsburg bætti við tveimur mörkum til viðbótar í seinni hálfleik og lokatölur 5-0.
Sara hefur skorað þrjú mörk í sex leikjum í þýsku úrvalsdeildinni á tímabilinu.
Wolfsburg, deildarmeistarar síðustu þriggja ára, eru á toppnum í Þýskalandi með fullt hús stiga eftir sex leiki.
@sarabjork18 👋🏼 https://t.co/NQxQ8lYGsL
— Pernille Harder (@PernilleMHarder) October 11, 2019
Athugasemdir