Landsliðsmaðurinn Jón Daði Böðvarsson kom inn á sem varamaður á 78. mínútu þegar Millwall gerði jafntefli við Bournemouth á útivelli í Championship-deildinni á Englandi.
Dominic Solanke, fyrrum leikmaður Chelsea og Liverpool, kom heimamönnum í Bournemouth yfir undir lok fyrri hálfleiks - á versta tíma fyrir Millwall.
Millwall gerði þrefalda breytingu á 78. mínútu og var Jón Daði á meðal þeirra sem komu inn á. Matt Smith kom líka inn á og hann jafnaði metin á 79. mínútu, nánast um leið og hann var kominn inn á völlinn.
Það mark dugði fyrir Millwall til að landa stiginu á erfiðum útivelli. Bournemouth er í þriðja sæti deildarinnar og Millwall er í 16. sæti.
QPR vann góðan 2-0 sigur á Luton fyrr í kvöld. QPR er í 18. sæti og Luton í 14. sæti.
Bournemouth 1 - 1 Millwall
1-0 Dominic Solanke ('45 )
1-1 Matt Smith ('79 )
Luton 0 - 2 QPR
0-1 Charlie Austin ('39 )
0-2 Macauley Bonne ('89 )
Athugasemdir