Newcastle United tapaði fyrir Sheffield United í fyrsta leik ensku úrvalsdeildarinnar í kvöld.
Þetta var fyrsti sigur Sheffield United í deildinni á þessu tímabili, en liðið er núna með fimm stig eftir 18 leiki. Aðeins hefur einu liði tekist að fara í gegnum fleiri leiki án fyrsta sigurs síns í deildinni frá upphafi tímabilsins. Það gerðist 1902/03 tímabilið þegar Bolton vann sinn fyrsta leik í 22. deildarleiknum á tímabilinu.
Lee Ryder, sem skrifar um Newcastle fyrir staðarmiðilinn Chronicle Live, var langt frá því að vera hrifinn af því sem hann sá í kvöld og hann var hreinskilinn í skrifum sínum um leikinn.
„Þeir gætu verið á leið niður ef þeir fara ekki varlega... þetta er móðgun við merki félagsins," skrifaði Ryder.
Hann hélt áfram og skrifaði: „Steve Bruce getur ekki kvartað yfir neinni gagnrýni sem hann fær eftir ein verstu úrslit félagsins í ensku úrvalsdeildinni frá upphafi."
„Hjá öðrum félögum þá myndi þjálfarinn missa starfið sitt eftir einn sigur í átta leikjum og eftir að hafa dottið út úr tveimur bikarkeppnum á einum mánuði."
Ryder er á því að leikmennirnir verði einnig að taka ábyrgð og hugarfar þeirra sé ekki nægilega gott. Newcastle voru varnarsinnaðir, spiluðu með fimm manna vörn og átti Sheffield United 17 marktilraunir í kvöld. „Newcastle leit út eins og þeir væru neðsta lið deildarinnar," skrifar Ryder í grein sem má lesa hérna.
Newcastle er í 15. sæti deildarinnar, átta stigum frá fallsæti. Fulham, sem er í 18. sæti, á tvo leiki til góða á Newcastle.
18 - Sheffield United have picked up their first win of the Premier League season, in what was their 18th game - in top-flight history, only Bolton in 1902-03 (22) played more games of a season before earning their first victory. Quenched. pic.twitter.com/1oaVtxFK1u
— OptaJoe (@OptaJoe) January 12, 2021
Athugasemdir