Dómarasambandið bað Brighton afsökunar
Gleði Estupinan varði ekki lengi eftir að hann setti boltann í netið.
Mynd: Getty Images
Gleði Estupinan varði ekki lengi eftir að hann setti boltann í netið.
Mynd: Getty Images
Enska dómarasambandið hefur beðið Brighton afsökunar á þeim mistökum sem urðu í VAR herberginu þegar liðið gerði 1-1 jafntefli við Crystal Palace í gær.
Brighton var sterkari aðilinn og virtist hafa tekið forystuna í fyrri hálfleik þegar Pervis Estupinan kom boltanum í netið.
Markið var upprunalega dæmt gilt en eftir athugun í VAR herberginu var dæmd rangstaða. John Brooks sá um að teikna rangstöðulínurnar en teiknaði þær frá röngum varnarmanni.
„PGMOL staðfesti í samtali við félagið í gær að alvarleg mistök áttu sér stað þegar mark Pervis Estupinan var dæmt ógilt," sagði talsmaður Brighton meðal annars í dag.
„Rangstöðulínurnar voru rangt teiknaðar og markið hefði með réttu átt að standa. Félagið er mjög vonsvikið með þessi mistök en hefur samþykkt afsökunarbeiðni PGMOL og mun ekki tjá sig frekar um þetta atvik."
Sjá einnig:
Dæmdu mark af Brighton vegna mannlegra mistaka í VAR herberginu
Premier league - karlar
| # | Lið | L | mun | Stig |
|---|---|---|---|---|
| 1 | Arsenal | 10 | +10 | 27 |
| 2 | Brighton | 10 | +19 | 22 |
| 3 | Man City | 10 | +8 | 21 |
| 4 | Liverpool | 10 | +4 | 18 |
| 5 | Chelsea | 10 | +3 | 16 |
| 6 | Everton | 10 | +2 | 16 |
| 7 | Bournemouth | 10 | +2 | 15 |
| 8 | Brentford | 10 | +5 | 14 |
| 9 | Leeds | 10 | +2 | 14 |
| 10 | Aston Villa | 10 | -3 | 13 |
| 11 | Tottenham | 10 | -1 | 12 |
| 12 | Newcastle | 10 | -3 | 12 |
| 13 | Hull City | 10 | 0 | 11 |
| 14 | Ipswich Town | 10 | -5 | 11 |
| 15 | Fulham | 10 | -2 | 10 |
| 16 | Nott. Forest | 10 | -4 | 9 |
| 17 | Coventry | 10 | -9 | 9 |
| 18 | Man Utd | 10 | -5 | 8 |
| 19 | Sunderland | 10 | -9 | 8 |
| 20 | Crystal Palace | 10 | -14 | 7 |
