Inter vann Juventus í frábærum bikarúrslitaleik á Ítalíu í gær en þetta var í fyrsta sinn síðan 2011 sem Inter vinnur bikarinn. Það er einmitt tímabilið sem Juventus spilaði síðast án þess að vinna titil.

„Þetta var góð frammistaða gegn mjög sterkum andstæðingi. Við gerðum vel fyrsta hálftímann en misstum síðan aðeins taktinn. En þetta lið gefst aldrei upp," sagði Simone Inzaghi, stjóri Inter.

Úrslitin réðust í framlengingu en hér að neðan má sjá það helsta úr leiknum.

Juventus 2 - 4 Inter
0-1 Nicoló Barella ('7)
1-1 Alex Sandro ('50)
2-1 Dusan Vlahovic ('52)
2-2 Hakan Calhanoglu ('80, víti)
2-3 Ivan Perisic ('98, víti)
2-4 Ivan Perisic ('102)