Malen, Maguire, Rashford, Greenwood, Yoro, Eriksen og fleiri góðir í slúðri dagsins
   sun 12. júlí 2020 17:23
Guðmundur Aðalsteinn Ásgeirsson
England: Tottenham kom til baka og vann erkifjendur sína
Mourinho fer vel yfir málin með sínum mönnum.
Mourinho fer vel yfir málin með sínum mönnum.
Mynd: Getty Images
Lacazette kom Arsenal yfir með þrumufleyg. Gestirnir náðu ekki að fylgja því nægilega vel eftir.
Lacazette kom Arsenal yfir með þrumufleyg. Gestirnir náðu ekki að fylgja því nægilega vel eftir.
Mynd: Getty Images
Tottenham 2 - 1 Arsenal
0-1 Alexandre Lacazette ('16 )
1-1 Son Heung-Min ('19 )
2-1 Toby Alderweireld ('81 )

Tottenham vann endurkomusigur gegn erkifjendum sínum og nágrönnum í Arsenal er liðin mættust í ensku úrvalsdeildinni. Leikurinn fór fram á heimavelli.

Það var mikið fjör til að byrja með í leiknum og komust gestirnir yfir eftir rúman stundarfjórðung. Alexandre Lacazette skoraði þá með þrumufleyg fyrir utan teig. Hugo Lloris kom engum vörnum við. Lacazette hefur ekki verið mikið í því að skora á útivöllum í gegnum tíðina en núna hefur hann skorað í tveimur útileikjum í röð.

Tottenham hafði byrjað leikinn ágætlega þrátt fyrir að lenda undir og þeir voru ekki lengi að jafna metin. Son Heung-min nýtti sér klaufaskap í vörn Arsenal og jafnaði. Sead Kolasinac átti sendingu til baka sem rataði ekki á David Luiz og kom Son inn í hana. Suður-Kóreumaðurinn kláraði svo laglega yfir Emiliano Martinez í marki Arsenal.

Bæði lið ógnuðu fram að hálfleik en staðan þegar flautað var til leikhlés var 1-1. Arsenal fékk tækifæri til að komast yfir í byrjun seinni hálfleiks og átti Pierre-Emerick Aubameyang meðal annar skalla í slána.

Staðan var áfram jöfn. Tottenham vann sig meira inn í leikinn þegar líða fór á seinni hálfleikinn og á 81. mínútu dró til tíðinda. Þá skoraði belgíski varnarmaðurinn Toby Alderweireld eftir hornspyrnu. Afar auðvelt fyrir hann og staðan 2-1.

Þannig enduðu leikar. Tottenham með sigurinn á erkifjendum sínum á heimavelli. Spurs fer með þessum sigri upp fyrir Arsenal í áttunda sæti; Arsenal er í því níunda. Tottenham er tveimur stigum frá Sheffield United sem er í sjöunda sæti, Evrópudeildarsæti.

Klukkan 18:00 hefst leikur Bournemouth og Leicester Smelltu hér til að sjá byrjunarliðin.
Athugasemdir
banner
banner
banner
banner