„Mér líður illa að tapa leik, það er aldrei gaman að tapa og því miður vorum við undir í dag á móti góðu liði Þróttar." sagði Guðni Þór Einarsson, annar þjálfara Tindastóls eftir 2-0 tap gegn Þrótti á útivelli í gær.
Lestu um leikinn: Þróttur R. 2 - 0 Tindastóll
„Gríðarlega svekkjandi að tapa þessum leik eftir seinasta leik. Við erum búin að ná 4 stigum í röð núna á móti Selfossi og Stjörnunni, við komum í leikinn með gott sjálfstraust. Ég er mjög ánægður með fyrri hálfleikinn, mér fannst við vera góðar, ná góðum spilköflum og komum í góða sénsa. Það vantaði að reka lokahnykkinn á sóknirnar. Seinni hálfleikinn misstum við aðeins taktinn og markið sem þær skora í byrjun seinni hálfleiks sló okkur aðeins út af laginu."
Murielle Tiernan meiddist í lok fyrri hálfleiks og fer útaf í smá stund áður en hún kemur aftur inná og klárar leikinn. Strax eftir leik heldur hún um öxlina sína í miklum sársauka. Guðni var spurður hvað hefði gerst.
„Hún fer úr axlarlið sýnist mér og spilar sárkvalin seinni hálfleikinn. Hún er algjört hörkutól og reyndi að harka þetta af sér og spila í gegnum meiðslin en núna þarf hún bara að ná bata og vera klár í næsta leik."
Viðtalið í heild sinni má finna í sjónvarpinu hér að ofan
Athugasemdir