FH fær Snædísi frá Stjörnunni (Staðfest)
Mynd: Jónína Guðbjörg Guðbjartsdóttir
Mynd: Jónína Guðbjörg Guðbjartsdóttir
Snædís María Jörundsdóttir, sem hefur komið við sögu í 12 af 15 leikjum Stjörnunnar í Bestu deildinni í sumar, er farin til FH á lánssamningi sem gildir út tímabilið.
FH hefur reynst spútnik lið sumarsins í Bestu deildinni og er í fjórða sæti sem stendur með 22 stig eftir 15 umferðir. Stjarnan, sem endaði í öðru sæti í fyrra, er með 20 stig.
Snædís María er efnilegur framherji en hún er fædd árið 2004 og á 7 mörk í 17 landsleikjum með sterku U19 liði Íslands.
Hún var lánuð til Keflavíkur á seinni hluta síðasta tímabils og fer núna til FH og reynir að hjálpa Hafnfirðingum í baráttunni um Evrópusæti.
