Son tekur við fyrirliðabandinu af Hugo Lloris (Staðfest)
Mynd: Getty Images
Mynd: EPA
Mynd: Getty Images
Suður-kóreski kantmaðurinn Son Heung-min er nýr fyrirliði Tottenham Hotspur. Hann tekur við fyrirliðabandinu af hinum 36 ára gamla Hugo Lloris sem hefur fengið leyfi til að yfirgefa Tottenham í sumar, þó hann eigi eitt ár eftir af samningi.
Son er 31 árs gamall og hefur verið hjá Tottenham síðustu átta ár. Hann á 145 mörk í 372 leikjum fyrir félagið og er elskaður og dáður af stuðningsmönnum.
Enski landsliðsfyrirliðinn Harry Kane hefði eflaust fengið fyrirliðabandið en hann kaus að skipta yfir til FC Bayern í Þýskalandi frekar en að halda áfram hjá Tottenham.
Lloris hefur verið fyrirliði Tottenham síðustu átta ár auk þess að vera leikjahæsti fyrirliði í sögu franska landsliðsins.
Lloris er einn af bestu markvörðum sinnar kynslóðar en hann er kominn til ára sinna. Hann spilaði þó 31 leik með Tottenham á síðustu leiktíð, en er spenntur fyrir að prófa nýja áskorun.
Tottenham er búið að festa kaup á ítalska markverðinum Guglielmo Vicario sem gerði frábæra hluti með Empoli á síðustu leiktíð í Serie A.
Introducing the new captain of Tottenham Hotspur Football Club ????
— Tottenham Hotspur (@SpursOfficial) August 12, 2023
© @Sonny7
Mynd: EPA
