Lestu um leikinn: ÍBV 1 -  3 Keflavík

„Í fyrsta lagi gaman að koma hingað. Margir í Eyjaliðinu sem ég þjálfaði og Eysteinn þjálfaði í 2. flokki. Alltaf gaman að koma til Eyja og erfitt að spila hérna, þannig við erum ánægðir með liðið í dag og spiluðum mjög vel í dag og skoruðum þrjú mörk á mjög gott lið. Þannig við förum sáttir heim," sagði Sigurður Ragnar Eyjólfsson, þjálfari Keflavíkur.

Keflavík spilaði vel í dag og uppskar þrjú góð mörk í leiknum sem skilaði þeim öflugum sigri í toppbaráttunni.

„Þetta var erfiður leikur, tvö góð lið að mætast. Það eru gæði í leikmannahópum hjá báðum liðum. ÍBV voru alltaf líklegir líka. Við erum með frábært sóknarlið og erum búnir að skora að meðaltali meira en þrjú mörk í leik í sumar. Ég held að það hafi hjálpað okkur í dag".

Nacho Heras fór meiddur af velli eftir höfuðhögg undir lok fyrri hálfleiks og fór útaf á sjúkrabörum.

„Hann fékk höfuðhögg og það blæddi og hann var aðeins vankaður og við eigum eftir að sjá hvað hann verður lengi að jafna sig á því."