Atli Þór skorar markið í gær.
Atli Þór Jónasson framherji HK kom liðinu í 1 - 0 gegn KR í gær með skrípamarki eftir að hafa nýtt sér undarleg mistök hjá heimamönnum í KR.
Lestu um leikinn: KR 1 - 2 HK
Þetta var annar heimaleikur KR á grasvellinum á Meistaravöllum en það verður seint sagt að völlurinn sé í frábæru standi.
Liðsfélagar Atla hjá HK náðu ekki að fagna markinu innilega með honum því hann lá meiddur í kjölfar þess að hann kom boltanum í netið.
Á meðfylgjandi myndum af því þegar Atli skorar virðist sem hann stígi í holu í teignum rétt eftir að hafa rennt boltanum í átt að tómu markinu og misst fæturna og stór sandstrókur gaus upp úr vellinum. Atli varð í kjölfarið að fara af velli meiddur.
HK vann leikinn 1 - 2 en heimamenn fengu tvö rauð spjöld.
Athugasemdir
