Dennis til Forest (Staðfest) - Freuler og Maupay á leiðinni
Mynd: EPA
Mynd: EPA
Nottingham Forest er að stækka leikmannahópinn sinn ört á fyrstu vikum úrvalsdeildartímabilsins og var félagið að staðfesta komu Emmanuel Dennis frá Watford á fjögurra ára samningi.
Forest borgar 20 milljónir punda fyrir Dennis sem var einn af bestu leikmönnum Watford er liðið féll úr ensku úrvalsdeildinni á síðustu leiktíð.
Hann byrjaði fyrstu tvo leiki liðsins í Championship deildinni en missti af leik liðsins í gær þar sem hann var á leið í læknisskoðun hjá Forest.
Núna hefur Forest tilkynnt félagsskiptin og mun Dennis berjast við Taiwo Awoniyi og Sam Surridge um byrjunarliðssæti. Neal Maupay virðist þá vera á leið til Forest frá Brighton og mun hann þá bætast við baráttuna í fremstu víglínu.
Remo Freuler er þá einnig á leiðinni frá Atalanta fyrir 9 milljónir evra.
Our Super Eagle has landed 🦅🇳🇬@dennisblessed42 | #NFFC pic.twitter.com/A1gC59B2h5
— Nottingham Forest FC (@NFFC) August 13, 2022
