Jorginho, miðjumaður ítalska landsliðsins, var í skýjunum eftir 2-0 sigur ítalíu á Grikklandi í gær en Ítalía er komið á EM 2020.
Jorginho skoraði í sigrinum á Grikklandi en Ítalía hefur unnið alla leiki sína í undankeppninni og tryggði sæti sitt í gær.
„Þetta voru frábær úrslit og sérstaklega eftir þessa hryllilegu tíma sem við höfum gengið í gegnum síðustu tvö ár. Við áttum þetta skilið og erum í skýjunum," sagði Jorginho.
Blaðamaður Rai Sports benti á vítaspyrnutölfræði hans á ferlinum en hann hefur skorað úr 93,7 prósent af vítunum.
„Ertu að reyna að setja örlög á mig? Ég hef lagt mikla vinnu í vítaspyrnur en ég er ánægðari með úrslitin fyrir liðið," sagði hann í lokin.
Athugasemdir