Aron Sigurðarson er með fjögur mörk í fjórum leikjum
Aron Sigurðarson, leikmaður Horsens í Danmörku, er í frábærum gír þessa dagana en hann skoraði sjötta deildarmark sitt er liðið gerði 3-3 jafntefli við OB í dönsku úrvalsdeildinni í dag.
Horsens lenti tveimur mörkum yfir í leiknum áður en Aron minnkaði muninn með föstu skoti við D-bogann. Þetta var fjórða markið sem hann skorar í fjórum leikjum og er hann nú með sex mörk í heildina á tímabilinu.
Lið hans náði að taka stig úr leiknum í dag og er Horsens með 22 stig í 9. sæti deildarinnar. Aron spilaði allan leikinn.
Hákon Arnar Haraldsson var í byrjunarliði FCK sem vann AGF 2-0 en Mikael Neville Anderson var í liði heimamanna. Hákon fór af velli á 62. mínútu á meðan Mikael var skipt útaf fimmtán mínútum fyrir leikslok. Ísak Bergmann Jóhannesson kom inná í lið FCK undir lok leiksins. FCK er í 3. sæti með 27 stig en AGF í 8. sæti með 22 stig.
Erik Hamrén og lærisveinar hans í Álaborg töpuðu 5-1 fyrir Nordsjælland. Álaborg er í næst neðsta sæti með 14 stig.
Elías Rafn Ólafsson var þá á bekknum hjá Midtjylland sem gerði markalaust jafntefli við Randers.
Ísak Óli Ólafsson skoraði annað mark Esbjerg í 5-1 sigri á Brabrand í C-deildinni. Esbjerg er á toppnum í deildinni með 35 stig.
Athugasemdir
