Þróttur fær Atla Geir úr Njarðvík (Staðfest)

Atli Geir Gunnarsson, tvítugur varnarmaður sem uppalinn er í Njarðvík, hefur gengið til liðs við Þrótt.

Hann verður löglegur með liðinu á morgun í Reykjavíkurmótinu þegar liðið leikur gegn ÍR.

Atli Geir lék á síðasta tímabili með Njarðvík en hann var um tíma á mála hjá Keflavík og lék með þeim tvo leiki í Pepsi deildinni keppnistímabilið 2018 en að auki á hann að baki tvo leiki með U18 ára landsliðinu.

<i>„Við bjóðum Atla Geir velkominn í Dalinn, í hjartað í Reykjavík,"</i> segir á heimasíðu Þróttar.