Eriksson og Harder spila saman hjá Chelsea.
Tvær af bestu fótboltakonum í heimi, þær Magdalena Eriksson og Pernille Harder, ætla að nota kvöldið á þessum Valentínusardegi í að spjalla við og aðstoða fólk sem á erfitt með að koma út úr skápnum fyrir fjölskyldu og vinum.
Eriksson og Harder spila saman með enska stórliðinu Chelsea og hafa þær verið í rómantísku sambandi frá 2014.
Harder skrifaði á Twitter í kvöld: „Ég er heppin að eiga fjölskyldu sem var ekkert annað en ánægð fyrir mína hönd þegar ég kom út fyrir sjö árum síðan."
„Ég veit að það er mikið af fólki sem á erfitt með að segja vinum sínum og fjölskyldu að það sé samkynhneigt. Það hlýtur að vera versta tilfinning í heimi."
„Það á að vera eðlilegt að koma út úr skápnum og sömuleiðis á það að vera samþykkt af öllum. Ég og Magda Eriksson munum opna fyrir skilaboð til okkar fyrir öll þau sem eiga erfitt með að koma út, vilja vita um reynslu okkar eða bara eru að leita af góðum ráðum á Valentínusardeginum."
Miklar fyrirmyndir á ferðinni þarna.
To come out should feel natural to anybody and likewise be accepted by everyone. For the next hours, @MagdaEricsson and I will open our dm's for anyone who struggles to come out, want to know about our experiences or just look for a good advice on Valentine's day.
— Pernille Harder (@PernilleMHarder) February 14, 2021
Athugasemdir
