Mjólkurbikarinn: Víðir síðasta liðið inn í 32-liða úrslit

Víðir er síðasta liðið til að tryggja sig inn í 32-liða úrslit Mjólkurbikars karla en það vann öruggan 3-0 sigur á KFK í Fagralundi í kvöld.

Markús Máni Jónsson, David Toro Jimenez og Ísak John Ævarsson skoruðu mörk Víðismanna.

Þetta er þegar betri árangur en á síðasta ári en þá datt liðið út í 2. umferð gegn ÍA.

Dregið verður í 32-liða úrslit í höfuðstöðvum KSÍ á morgun.