„Ég er mjög ánægður með hvernig leikurinn endaði þó ég hafi ekki verið ánægður með leikinn í heild sinni," sagði Helgi Sigurðsson þjálfari ÍBV eftir 2 - 1 sigur á Þór í Lengjudeild karla í dag en sigurmarkið kom í uppbótartíma.
Lestu um leikinn: ÍBV 2 - 1 Þór
„Við sýndum þeim meiri karakter og gáfum allt í þetta og ennþá meira eftir að við urðum einum færri. Menn voru tilbúnir að leggja á sig og við vissum alltaf að við fengjum eitt eða tvö tækifæri. Það var bara um að gera að nýta þau þegar þau kæmu."
„Það fór aðeins um mig því við fáum ekki mikið betri tækifæri en þegar Guðjón (Pétur Lýðsson) fór á punktinn, maður var nánast öruggur á að hann myndi skora en það er ekkert öruggt í þessu. Það var því þeim mun sætara að halda áfram og klára næsta færi. Það var frábærlega gert hjá Guðjóni, frábært hlaup og sending hjá Seku."
Nánar er rætt við Helga í spilaranum að ofan hann segist ekki hafa verið ánægður með spilamennsku sinna manna en að breytingar sem hann gerði á liðinu hafi skipt sköpum.
„Við fengum mark þar sem varamaður gefur á varamann og það hlýtur að vera mjög gott fyrir liðið og þjálfarana og stuðningsmennina."
