Alexis Sanchez, lykilmaður Síle, mun missa af riðlakeppni Copa America, Suður-Ameríubikarsins, eftir að hafa meiðst á æfingu.
Hinn 32 ára gamli Sanchez er helsta stjarna Síle en þeir þurfa að spjara sig án hans í riðlakeppninni.
Sanchez hefur spilað 138 landsleiki fyrir Síle og er leikjahæsti leikmaður í sögu landsliðsins. Hann hefur í þessum landsleikjum skorað 46 mörk og er hann einnig markahæsti leikmaður þjóðarinnar.
Síle er í riðli með Argentínu, Bólivíu, Úrúgvæ og Paragvæ á Copa America. Fjögur efstu lið riðilsins komast áfram í átta-liða úrslit.
Síle hefur leik á Copa America í dag, gegn Lionel Messi og félögum í Argentínu.
Athugasemdir