Byrjunarliðin í opnunarleik EM þar sem heimamenn í Þýskalandi mæta Skotum klukkan 19 eru komin í hús.
Kai Havertz leikmaður Arsenal er fremsti maður og Toni Kroos sem er að spila á sínu síðasta stórmóti er einnig í liðinu. Þá er Maximilian Mittelstadt í liðinu en hann spilar með Stuttgart og lék sinn fyrsta landsleik í mars síðastliðnum.
Florian Wirtz er gríðarlega spennandi leikmaður en hann átti frábært tímabil með Leverkusen sem vann tvöfalt í Þýskalandi og komst í úrslit Evrópudeildarinnar.
Andy Robertson bakvörður Liverpool er fyrirliði skoska liðsins. Scott McTominay miðjumaður Man Utd og Kieran Tierney bakvörður Arsenal eru einnig í liðinu ásamt John McGinn miðjumanni Aston Villa.
Þýskaland: Neuer, Kimmich, Rudiger, Tah, Mittelstadt, Andrich, Kroos, Musiala, Gundogan, Wirtz, Havertz.
Skotland: Gunn, Ralston, Robertson, McTominay, Tierney, McGinn, McGregor, Adams, Christie, Hendry, Porteous