Tottenham í bílstjórasætinu um Akanji - Chelsea undirbýr tilboð - Verður Rogers arftaki Elliott hjá Liverpool?
Halli Hróðmars hrikalega svekktur: Þurfum fleiri stig
Alli Jói: Notuðum gagnrýnina sem bensín
Siggi Höskulds: Finnst að KSÍ hefði átt að breyta mótinu
Bjarni Jó: Þetta eru bara bikarúrslit
Venni: Þetta var karaktersigur
Sjáðu vítadóminn í Kórnum: „Vil helst ekki segja neitt um þetta“
Gunnar Már: Ég er hundsvekktur
Fylkir fékk umdeilda vítaspyrnu: „Ég held að við höfum alveg átt þetta inni“
„Veit ekki hversu marga maður hefur hitt sem hafa spurt hvort það sé eitthvað panic"
Gústi Gylfa: Vantaði bara hugrekki í okkur
Stórir póstar á leið í U19 verkefni á óheppilegum tíma - „Það koma bara aðrir menn inn og þeir fá tækifærið"
Haraldur Freyr: Við vorum bara litlir í okkur
„Ekki hægt að leggja árar í bát og gefast upp útaf einhverri helvítis töflu”
Guðni Eiríks: Fókuspunkturinn að svara fyrir skítaleik
Arnar Gunnlaugs: Þetta er sexí hópur
Hólmar Örn: Maður þurfti aðeins að hrista það af sér
Magnús Már: Margt jákvætt í frammistöðunni en niðurstaðan súr
Sölvi Geir: Vonandi er búið að losna um tómatsósuna hjá honum
Túfa: Þvílík endurkoma eftir að hafa verið með bakið uppvið vegg
Oliver Ekroth: Allir leikir eins og úrslitaleikir
   mán 14. júlí 2025 22:12
Sölvi Haraldsson
Áhyggjulaus þrátt fyrir tvö töp í röð - „Skagamenn verða að eiga það við sjálfa sig“
Óskar Hrafn Þorvaldsson.
Óskar Hrafn Þorvaldsson.
Mynd: Fótbolti.net - Hafliði Breiðfjörð
„Tilfinning er ömurleg, mér fannst Skaginn ekki eiga nokkurn skapaðan hlut skilið úr þessum leik. Þeir koma hérna á heimavelli, liggja í lágvörn og bomba fram. Því miður erum við á þeim stað að það virðist duga liðum.“ sagði Óskar Hrafn Þorvaldsson, þjálfari KR, eftir 1-0 tap á Skaganum í kvöld.

Lestu um leikinn: ÍA 1 -  0 KR

Völlurinn var ekkert vökvaður fyrir leikinn í dag sem hefur verið mikið í umræðunni, hvað finnst Óskari um það?

„Það er eitthvað sem Skagamenn verða að eiga við sjálfa sig. Ég geri ráð fyrir því að það er góð ástæða fyrir því. En auðvitað er það þannig að þegar annað liðið spilar á grasinu og hitt liðið spilar í loftinu er það alveg ljóst hvorum það hentar betur að hafa þurrt gras.“

Hefur Óskar einhverjar áhyggjur af stöðu liðsins í deildinni?

„Nei ég hef engar áhyggjur af þessu. Því það sem við höfum er sterk sjálfsmynd, skýr hugmyndafræði og hún mun skila okkur á góðan stað.“

Ef Óskar hefur ekki áhyggjur af stöðu liðsins í dag, hvenær mun hann þá hafa áhyggjur af stöðunni?

„Ég er ekkert að spá í það hvort við erum að halda sætinu okkar í deildinni. Við vorum í sömu stöðu í fyrra. Ég hef bara það mikla trú á þessu liði og því sem við erum að gera. Maður horfir á alla tölfræði og þá hefur maður engar áhyggjur af þessu. En maður er ekkert að gera lítið úr því að það geta öll lið fallið. En ég hef trú á því sem við erum að gera. Við þurfum samt að vera betri.“

Jóhannes Kristinn Bjarnason hefur verið mikið milli tannanna á fólki eftir að hafa farið til Ítalíu til þess að æfa með félagi þar. Er Jói búinn að spila sinn síðasta leik fyrir KR í bili?

„Það held ég ekki. Ég held að Jói sé að fara að mæta á æfingu á morgun. Hann fékk leyfi til þess að fara út og skoða aðstæður hjá Ítalsku liði sem við náðum samkomulagi við. Hann ákvað að fara ekki þangað. Ég veit ekki annað en að hann sé að fara að mæta glaður og brosandi á æfingu í fyrramálið.“

Margir ræða hvort það hafi verið hægt fyrir hann að fara út eftir þennan leik þar sem það er langt í næsta leik hjá KR gegn Breiðablik, hann verður spilaður 27. júlí.

„Þetta var bara tímapunkturinn sem var talinn vera réttur fyrir hann. Þetta hentaði honum og liðinu. Við erum ekki í því að leggja stein í götu ungu leikmannana okkar ef þeir eiga möguleika á að fara erlendis og langar til þess. Það hefði verið gott að hafa Jóa með í dag en það var bara tekin ákvörðun með þetta og það voru allir sáttir með hana. Svo fer þessi leikur eins og hann fer og þá geta einhverjir pirrað sig yfir því en það skiptir engu máli í stóra samhenginu. Eins og þessi leikur skiptir engu máli í stóra samhenginu. Nema að enn eina ferðina labbar lið útaf með finnst mér þrjú stig fyrir lítið.“

Viðtalið við Óskar má sjá í heild sinni í spilaranum hér að ofan.
Athugasemdir
banner