Jacob Andersen er farinn frá Ólafsvík.
Danski framherjinn, Jacob Andersen hefur spilað sinn síðasta leik með Víkingi Ólafsvík því hann hefur gengið í raðir Ringköbing í Danmörku.
Jacob sem er 25 ára gekk í raðir Víkings frá norska félaginu Egersund fyrir tímabilið. Hann lék fimm leiki með Víkingum í Inkasso-deildinni og skoraði í þeim leikjum þrjú mörk.
Jacob sem er 25 ára gekk í raðir Víkings frá norska félaginu Egersund fyrir tímabilið. Hann lék fimm leiki með Víkingum í Inkasso-deildinni og skoraði í þeim leikjum þrjú mörk.
Jacob hinsvegar meiddist í upphafi móts og hefur því ekkert leikið með liðinu í undanförnum leikjum. Nú er ljóst að hann leikur ekkert meira með liðinu í Inkasso-deildinni og er kominn með leikheimild með danska félaginu, Ringköbing.
Í fyrra skoraði Jacob tvö mörk í þrettán leikjum fyrir Egersund sem leikur í þriðju efstu deild í Noregi.
Víkingur Ólafsvík er í 5. sæti Inkasso-deildarinnar með 24 stig en liðið hefur gert fjögur jafntefli í síðustu fjórum leikjum. Liðið mætir Keflavík í næstu umferð deildarinnar á föstudaginn klukkan 18:00.
Athugasemdir
