Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   sun 14. ágúst 2022 13:30
Aksentije Milisic
Mbappe fær að heyra það eftir leik PSG í gær
Kylian Mbappe.
Kylian Mbappe.
Mynd: Getty Images

Kylian Mbappe, leikmaður PSG í Frakklandi, fær að heyra það á samfélagsmiðlum en hann sýndi furðulega tilburði í gær þegar PSG vann 5-2 sigur á Montpellier.


PSG hefur byrjað tímabilið vel en liðið hefur skorað tíu mörk í fyrstu tveimur leikjum deildarinnar.

Mbappe komst á blað í síðari hálfleiknum í gær en hann virkaði pirraður og fúll allan leikinn.

Hann klúðraði víti í stöðunni 0-0 og undir lok fyrri hálfleiks var PSG í álitlegri skyndisókn þegar Mbappe hætti skyndilega að hlaupa því hann fékk ekki sendinguna.

Vitinha var með boltann og gat hann gefið á Mbappe sem var í hlaupinu. Hann gerði það ekki og senti boltann yfir á Messi, Mbappe til lítillrar gleði sem sveiflaði höndunum og hætti að taka þátt í sókninni.

Myndband af þessu atviki má sjá hér fyrir neðan en óhætt er að segja að Mbappe hefur fengið að heyra það í kjölfarið. Slæmt hugarfar og eigingirni voru á meðal orða sem voru notuð.


Athugasemdir
banner
banner
banner