Hægt að horfa á leikinn úr heita pottinum í Vogum

Nú eru fjölskyldudagar í Vogum og hluti af hátíðinni er leikur Þróttar og Dalvíkur/Reynis á morgun.

Frítt er á leikinn í boði NormX, Benchmark og Vogaídýfu.

Þá er boðið upp á heldur óvenjulegt sæti á leiknum. Fjórir hressir stuðningsmenn geta fengið að horfa á leikinn úr heita pottinum í boði NormX. Þeir sem hafa áhuga á því geta haft samband við Þróttara.