Paris St-Germain hyggst bjóða Lionel Messi (35) nýjan samning og Barcelona hefur áhuga á því að kaupa argentínska framherjann aftur. Messi ætlar ekki að taka ákvörðun um framtíð sína fyrr en eftir HM. (Fabrizio Romano)

Chelsea, Manchester City og Manchester United munu veita Liverpool samkeppni um Jude Bellingham (19), miðjumann Borussia Dortmund og enska landsliðsins. (AS)

Barcelona neitar því að félagið sé nálægt því að samþykkja að lækka kaupákvæðið á lánssamningi Antoine Griezmann (31) við Atletico Madrid. Ákvæðið er 35 milljónir punda og Atletico hefur bara notað franska sóknarmanninn sem varamann til að virkja ekki ákvæðið. (Mundo Deportivo)

Liverpool reyndi að fá Federico Valverde (24) frá Real Madrid rétt fyrir gluggalok og var tilbúið að borga 87 milljónir punda fyrir úrúgvæska miðjumanninn. (AS)

Nýr samningur Kylian Mbappe (23) sem Paris St-Germain tilkynnti í maí er í raun tveggja ára samningur þar sem leikmaðurinn getur virkjað þriðja árið. Samningurinn var kynntur til 2025. (L'Equipe)

Carlo Ancelotti, stjóri Real Madrid, segist hafa fengið nóg af því því að svara spurningum um hvort Mbappe muni koma til félagsins þegar hann yfirgefur PSG. (Marca)

Todd Boehly, eigandi Chelsea, hefur boðið Luis Campos, íþróttastjóra PSG, 7 milljónir punda á ári ef hann kemur til enska úrvalsdeildarfélagsins samstundis. (Le Parisien)

Þýskt félag, spænskt félag og tvö ensk félög hafa áhuga á að fá N'Golo Kante (31) ef franski miðjumaðurinn skrifar ekki undir nýjan samning við Chelsea. Núgildandi samningur leikmannsins rennur út næsta sumar. (Bild)

Barcelona ákvað að fá Raphinha (25) frá Leeds United frekar en Antony (22) því félagið taldi hann vera tilbúnari og ódýrari lausn. (Sport)

Arsenal reynir að gera nýja samninga við enska vængmanninn Bukayo Saka (21), brasilíska framherjann Gabriel Martinelli (21) og franska varnarmanninn William Saliba (21) en samningar þeirra eru til 2024. (90 Min)

Austurríski markvörðurinn Daniel Bachmann (28) hjá Watford segir að Manchester United hafi reynt að fá sig í sumarglugganum. (LAOLA1)

Inter er tilbúið að framlengja við slóvakíska varnarmanninn Milan Skriniar (27) eftir að Paris St-Germain sýndi honum áhuga í sumar. (L'Interista)

Leicester City vill fá belgíska framherjann Lois Openda (22) frá Lens en hann hefur farið vel af stað á nýju tímabili. (MediaFoot)

Úrúgvæski vængmaðurinn Facundo Pellistri (20) er ekki í áætlunum Erik ten Hag og Manchester United vill losa hann. (TeamTalk)

Meðal stjóra sem Brighton horfir til eru Franck Haise hjá Lens, Kjetil Knutsen hjá Bodö/Glimt og Roberto de Zerbi fyrrum stjóri Shaktar Donetsk. (Guardian)

Marco Lanna, forseti Sampdoria, segir að enski miðjumaðurinn Harry Winks (26) vilji sýna að Tottenham hafi gert mistök með því að lána hann til ítalska félagsins. (Express)

Zlatan Ibrahimovic (40), sóknarmaður AC Milan og sænska landsliðsins, segist ekki hafa neinar áætlanir um að hætta. Hann gefist ekki upp en hann er að jafna sig eftir aðgerð á hné. (La Gazzetta dello Sport)

Tweet

Senda a Facebook Hafdu samband Senda frétt Prenta frétt Frétta leit